Ҳа, ходима асосий иш жойидан ҳомиладорлик ва туғиш таътилига чиққанидан сўнг ўриндошлик иш жойи бўйича иш ўрни сақланади.
Бундан ташқари, ўриндошлик асосида ишловчи ходимага ҳомиладорлик ва туғиш таътиллари асосий иш жойидаги ҳомиладорлик ва туғиш таътиллари билан бир вақтда берилади. Ушбу таътилни ўриндошлик иш жойида расмийлаштириш учун асосий иш жойидан меҳнатга лаёқатсизлик варақасининг нусхаси, таътилга чиқиш тўғрисидаги қарорининг нусхаси ва шунга тегишли бўлган ҳужжатларнинг нусхалари ходима томонидан тақдим этилиши лозим.
Шу қаторда, ходима, ўриндошлик иш жойидан ҳомиладорлик ва туғиш нафақаларини олиш ҳуқуқига эга. Ушбу ҳуқуқдан фойдаланиш учун, ходима, соғлиқни сақлаш муассасаси томонидан берилган меҳнатга лаёқатсизлик варақасининг белгиланган тартибда тасдиқланган нусхасини ўриндошлик иш жойига тақдим этиши лозим. (“Ўриндошлик асосида ҳамда бир неча касбда ва лавозимда ишлаш тартиби тўғрисида”ги Низом, “Давлат ижтимоий суғуртаси бўйича нафақалар тайинлаш ва тўлаш тартиби тўғрисида”ги Низом, МКнинг 2-б.).
Жавоблар улар эълон қилинган санада долзарб ҳисобланади.