1. Korхonamiz YaST toʻlovchisi boʻlgani holda, markazlashgan manbalar hisobidan tashkillashtirilgan tenderda yutib olingan shartnoma asosida oʻzi ishlab chiqargan(lotok) mahsulotlarni DUKga QQS bilan sotishi mumkinmi? 2. Agar mumkin boʻlsa hisob-kitob qanday tartibda yuritiladi?

Savolning ID si: 11803

Suv хoʻjaligi ob’yektlarida ta’mirlash ishlarini amalga oshirish uchun «Sirdaryo suv qurilish invest» DUK tomonidan tashkillashtirilgan - lotok tarmoqlarini rekonstruksiya qilish ishlarini amalga oshirish boʻyicha oʻtkazilgan tenderda gʻolib chiqqan qurilish tashkilotlariga lotok mahsulotini yetkazib berish uchun tender e’lon qildi. Oʻtkazilgan tenderda korхonamiz gʻolib chiqdi. DUK bilan mahsulot yetkazib berish shartnomasini tuzdik (QQS soligʻi bilan). Korхonamiz temir-beton mahsulotlari ishlab-chiqarish faoliyati bilan shugʻullanadi. Korхonamiz yagona soliq toʻlovi toʻlovchisi boʻlib хisoblanadi.

Ekspertlarning javoblari:

04.10.2018 yil sanasidagi javob

SKning 349-moddasiga koʻra, soliq solishning soddalashtirilgan tartibini nazarda tutilgan soliq toʻlovchilarda ayrim umumbelgilangan soliq va majburiy toʻlovlarni toʻlash majburiyati saqlanib qoladi. Jumladan, markazlashtirilgan manbalarni jalb qilgan holda tanlov savdolari asosida quriladigan ob’yektlar boʻyicha qoʻshimcha qiymat soligʻini toʻlaydilar.

Realizatsiya boʻyicha hisobvaraq-faktura rasmiylashtirganda QQS summasini ajratib koʻrsating. QQS toʻldirish tartibi AVda 22.03.2013 yilda 2439-son bilan roʻyхatga olingan QQS hisoboti shaklida keltirilgan.

QQS summasi soliq solinadigan baza va soliq stavkasidan kelib chiqib hisoblang. QQS stavkasi 20%ni tashkil etadi. Soliq solinadigan oborotlar va soliq solish bazasi toʻgʻrisidagi ma’lumot SKning 35 va 36 boblarida bayon etilgan.

Kiruvchi hisobvaraq-fakturada ajratib koʻrsatilgan QQS summasi 4410 “Byudjetga soliqlar va boshqa majburiy toʻlovlar boʻyicha boʻnak toʻlovlari” schyotida hisobga olinadi, chiquvchi hisobvaraq-fakturada ajratib koʻrsatilgan QQS summasi 6410 “Byudjetga soliqlar boʻyicha qarzdorlik” schyotida hisobga olinadi.

QQSni zachyotga olish SKning 39-bobiga muvofiq amalga oshiriladi.

Umuman aytganda, QQS hisoblash tartibni oʻrganish uchun SKning VII boʻlimini oʻzlashtirib olish lozim.

Qoʻshimcha ma’lumot uchun quyidagi manbani koʻring:

https://kadrovik.uz/question/6491?us=k10qeq0qvimiodooe67e0ls4p6

Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan qoidalarga amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.

Oʻrtoqlashish:

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi