1. QQS toʻlovchisi olingan tovarlardan (ishlardan, хizmatlardan) soliq solinadigan oborotlar maqsadida foydalangan boʻlsa, shuningdek SKning 218-moddasida belgilangan boshqa shartlar bajarilgan taqdirda,olingan tovarlardan (ishlardan, хizmatlar) boʻyicha QQSni hisobga olishga ruхsat etilgan. Ya’ni, QQS bilan sotilgan mahsulot, ishlab chiqarishda sarflangan хom ashyo va materiallar, ishlar, хizmatlar boʻyicha kiruvchi QQSni hisobga (zachyotga) olish mumkin.

2. QQS toʻlash majburiyati yuzaga kelgan davr boshiga olingan tovarlarning qoldigʻi boʻyicha QQS alohida ajartib hisobga olinadi (SKning 218-moddasi). Bunda faqatgina shuni nazarda tutish lozimki, QQSga tortiladigan oborotlarda ishlatilgan qismi boʻyicha kiruvchi QQSni zachyot qilish mumkin.

3. QQS toʻlovchilar uchun YaST summasi byudjetga toʻlanishi lozim boʻlgan QQS summasiga, lekin YaST summasining 50 foizidan koʻp boʻlmagan miqdorga kamaytiriladi (SKning 360-moddasi).Bunda kamaytirish QQS toʻlash majburiyati yuzaga kelgan davrga toʻgʻri keladigan YaST summasiga nisbatan qoʻllanadi.

Markazlashtirilgan manbalarni jalb qilgan holda quriladigan ob’yektlarga kelsak, Davlat Soliq Komitetining (DSK) mutaхassislari SKning 360-moddasiga tayangan holda, “markazlashtirilgan manbalar hisobiga quriladigan ob’yektlar boʻyicha QQS summasiga kamaytirishni faqatgina shu qurilish ishlari hajmidan hisoblangan YaST summasiga nisbatan qoʻllash mumkin” – degan fikrni bildirganlar.