Savolda koʻrsatilgan mol-mulk soligʻi boʻyicha imtiyoz Soliq kodeksiga asosan emas, Prezidentning qaroriga asosan berilgan.

Oʻzbekiston Respublikasi Prezidentining 22.11.2016 yilda chiqqan PQ-2660 sonli qarorida (rus tilida keltirilgan) aholi uchun arzon va qulayliklarga ega koʻp qavatli uylar qurish va rekonstruksiya qilish boʻyicha amalga oshiriladigan choralar-tadbirlar Dasturi qabul qilingan. Qarorda uylar qurishi banklar tomonidan ajratiladigan ipoteka kreditlari hisobiga moliyalashtirilishi belgilangan.

PQ-2660 sonli qarorning 17-bandiga muvofiq, jismoniy shaхslarga Dastur doirasida sotib olgan kvartiralari boʻyicha mol-mulk soligʻini toʻlashdan ozod qilish shaklida imtiyoz berilgan. Ushbu soliq imtiyozi ular ATIB “Ipoteka bank”, ATB “Oʻzsanoatqurilishbanki” va ATB “Asaka bank”lar tomonidan berilgan impoteka kreditlarini soʻndirgunlariga qadar qoʻllaniladi.

Shuningdek, qarorda jismoniy shaхslarning ipoteka kreditlarini soʻndirishga yoʻnaltirilgan daromadlari jismoniy shaхslardan olinadigan daromad soligʻidan ozod qilinishi ham nazarda tutilgan.