Jismoniy shaхslarning Oʻzbekiston Respublikasi oliy oʻquv yurtlarida oʻzining oʻqishi yoki yigirma olti yoshga toʻlmagan farzandlarining oʻqishi uchun yoʻnaltiriladigan summalariga soliq solinmaydi (SKning 179-moddasi, 31-bandi). Oʻz kelining oʻqishi uchun yoʻnaltirgan daromadlari esa soliqqa tortiladi, ya’ni bunday holatlarda soliq imtiyozidan foydalana olmaysiz.

Oʻqishga kontrakt toʻlovini ota-onasining yoki talabaning ish joyidan ularning ish haqilari hisobidan oʻtkazish, plastik kartadan toʻlash, naqd pulda toʻlash mumkin. Agar keliningiz oʻzi ishlasa va oʻqishi uchun kontrakt pulini oʻzi toʻlasa, u holda keliningiz mazkur soliq imtiyozidan foydalanish huquqiga ega boʻladi. Soliq imtiyozi pul toʻlovchining ish joyida yoki deklaratsiya topshirish orqali soliq inspeksiyasida qoʻllaniladi.

Ushbu imtiyozni qoʻllash AVda 27.05.2010 yilda 2107-son bilan roʻyхatdan oʻtgan Nizomga asosan tartibga solinadi.

https://kadrovik.uz/question/5213?sid=6993&st=23184&us=i138ul95uo1cvaqr1dfnfu5re3