Oʻzbekiston Prezidentining 29.06.2018 yildagi “Oʻzbekiston Respublikasining soliq siyosatini takomillashtirish konsepsiyasi” toʻgʻrisidagi № PF-5468 Farmonida 2019 yil 1 yanvardan boshlab Soliq toʻgʻrisidagi qonun hujjatlariga bir qancha oʻzgarishlar kiritilishi koʻrsatilgan. Jumladan, yillik aylanmasi 1 milliard soʻmgacha yoki undan ortiq boʻlgan yakka tartibdagi tadbirkorlarni soliqqa tortish boʻyicha ham oʻzgarishlar boʻladi.

Hozirgi paytda Soliq kodeksining yangi tahriri ishlab chiqilmoqda. Moliya Vazirligining rasmiy saytida Soliq kodeksining loyihasi muhokamaga qoʻyilgan. Unda yillik aylanmasi belgilangan chegaralardan ortiq summani tashkil etgan soliq toʻlovchilar uchun har хil soliq turlari yoki soliq solish tartibi qoʻllanishi nazarda tutilgan. Kodeks loyihasi bilan Moliya vazirligining rasmiy saytida tanishib chiqishingiz mumkin (https://www.mf.uz/news/3216.html).