2018 yil aprel oyida 24 ish kuniga mehnat ta’tiliga chiqqan хodimning mehnat ta’tili kunini 2 ish kuniga qisqartirish toʻgʻri amalga oshirilganmi va 2018 yil noyabr oyida хodim yana 24 ish kuniga mehnat ta’tiliga chiqsa, uning mehnat ta’tili necha kunga qisqartirilishi kerak?

Savolning ID si: 12191

2017 yil 29 dekabrdagi PF-5290-sonli Prezident farmoniga koʻra qoʻshimcha ishlamaydigan kunlar yillik mehnat ta’tilini 3 kunga qisqartirish orqali qoplanishi belgilandi. Xodim 2018 yil aprel oyida 2017 yil fevral oyidan - 2018 yil fevral oyigacha boʻlgan ish davri uchun 24 ish kuniga mehnat ta’tiliga chiqdi. Adliyada 17.03.2018 y. roʻyхatdan oʻtgan 2985-sonli Yoʻriqnomaning 14-bandiga koʻra хodimning mehnat ta’tili 2 ish kuniga qisqartirildi. Xodim 2018 yil noyabr oyida 2018 yil fevral oyidan - 2019 yil fevral oyigacha boʻlgan ish davri uchun yana 24 ish kuniga mehnat ta’tiliga chiqmoqda. 1) 2018 yil aprel oyida (2017 yil fevral oyidan - 2018 yil fevral oyigacha boʻlgan ish davri uchun) 24 ish kuniga mehnat ta’tiliga chiqqan хodimning mehnat ta’tili kunini 2 ish kuniga qisqartirish toʻgʻri amalga oshirilganmi? 2) 2018 yil noyabr oyida хodim (2018 yil fevral oyidan - 2019 yil fevral oyigacha boʻlgan ish davri uchun) yana 24 ish kuniga mehnat ta’tiliga chiqsa, uning mehnat ta’tili necha kunga qisqartirilishi kerak?

Ekspertlarning javoblari:

06.12.2018 yil sanasidagi javob

1. Fikrimizcha, toʻgʻri hisoblanmagan.

Siz 2017 yil fevral oyidan - 2018 yil fevral oyigacha boʻlgan ish davri uchun ta’til kunlarini hisoblashda хodim amalda foydalangan, PF-5290-sonli Farmonda belgilangan qoʻshimcha dam olish kunlarini chiqarib tashlashingiz kerak edi.

Ya’ni, хodim 02.2017 – 02.2018 ish yili davrida PF-5290-sonli Farmonda belgilangan faqatgina bitta (2018 yil 2 yanvar - seshanba) qoʻshimcha dam olish kunidan foydalangan. Demak ta’til muddati 1 ish kuniga qisqarishi kerak edi. Xodimning 2018 yilning aprel oyida ta’tilga chiqquncha foydalanilgan 30.03.2018 dagi qoʻshimcha dam olish kuni keyingi ish yili (02.2018 – 02.2019) uchun ta’til kunlarini hisoblashda hisobga olinadi.

2. Xodimning ta’til muddati 18 va undan ortiq ish kunini tashkil etsa mehnat ta’tili muddati uch ish kuniga qisqartirilishi kerak (Yillik mehnat ta’tili vaqtida saqlanib qolinadigan oʻrtacha ish haqi miqdorini aniqlash tartibi toʻgʻrisidagi yoʻriqnomaning 13-b. 2-хatb.)

Ya’ni, 2018 yil fevral oyidan 2019 yil fevral oyigacha boʻlgan ish davrida хodim PF-5290-sonli Farmonda belgilangan ikkita (20 mart – seshanba va 31 avgust – juma) hamda 2018 yil 12 noyabrdagi PF-5574-son Prezident Farmonida belgilangan bitta (2 yanvar - chorshanba) qoʻshimcha dam olish kunlaridan foydalanadi.

Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan qoidalarga amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.

Oʻrtoqlashish:

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi