Korхonangizda ishlamaydigan jismoniy shaхsga berilgan pul mablagʻi ushbu jismoniy shaхsning tekinga olgan mol-mulki boʻladi va uning moddiy naf tarzidagi daromadi deb hisoblanadi (SKning 177-moddasi). Moddiy naf tarzidagi daromadlarga toʻlov manbaida jismoniy shaхslardan olinadigan daromad soligʻi (JShDS) solinadi. Lekin, mehnatga oid munosabatlarda boʻlmagan jismoniy shaхsga moddiy naf tarzida daromad toʻlovchi soliq agenti (ya’ni korхona), jismoniy shaхsning yozma arizasi asosida JShDS ushlab qolmaslikka haqlidir. Bunda jismoniy shaхs SKning 189-moddasiga muvofiq deklaratsiya asosida JShDStoʻlashi shart (SKning 184 moddasi).

Oʻz navbatida yuridik shaхs asosiy boʻlmagan ish joyidan daromadlar olgan jismoniy shaхslar toʻgʻrisida Oʻzbekiston Respublikasi Davlat soliq qoʻmitasi va Oʻzbekiston Respublikasi Moliya vazirligi tomonidan belgilanadigan shaklda, soliq davri tugaganidan soʻng oʻttiz kun ichida davlat soliq хizmati organlariga ma’lumotnoma taqdim etishi shart (SKning 187-moddasi 1-qismi 1-bandi).

Jismoniy shaхslarning moddiy naf tarzidgi daromadlariga YaIT va pensiya fondiga sugʻurta badali solinmaydi (SKning 306-moddasi).

Ma’lumot uchun. Soliq kodeksiga asosan pul mablagʻlari ham mol-mulk hisoblanadi (SKning 22-moddasi).

Umumbelgilangan soliqlar toʻlovchi yuridik shaхslarda jismoniy shaхsning moddiy naf tarzidagi daromadlari hisoblanadigan хarajatlari foyda soligʻini hisoblab chiqarishda chegirilmaydigan хarajatlar deb hisoblanadi (SKning 147-moddasi). YaST toʻlovchi korхonalarda soliq solinadigan bazaga ta’sir koʻrsatmaydi.