Import qilingan tovarlar boʻyicha QQSni byudjetga toʻlashdan ozod etish tarzida boʻshagan mablagʻlarni aniq maqsadlarga yoʻnaltirish sharti bilan imtiyoz berilgan boʻlsa, QQS hisobga olinadi (SKning 218-moddasi 3-bandi).

VMning 12.04.2016 yildagi 110-sonli qarorida 01.01.2021 yilga qadar bojхona toʻlovlaridan ozod qilingan materiallar roʻyхati tasdiqlangan. Ushbu qaror Oʻzbekiston Prezidentining 29.12.2015 yildagi PQ-2460 sonli qarorini ijro etish uchun qabul qilingan. Tegishincha, imtiyozlar PQ-2460 sonli qarorda belgilangan boʻlishi kerak. Odatda, imtiyoz berilgan hujjatda imtiyozni qoʻllash natijasida boʻshagan mablagʻlarni muayyan maqsadlarga yoʻnaltirish belgilanadi yoki belgilanmaydi. Mazkur Qarorining matni ochiq manbalarda e’lon qilinmaganligi sababli, imtiyozlar maqsadli yoki maqsadsizligini tasdiqlay olmaymiz. Sizda PQ-2460 sonli qaror matni bilan tanishish imkoniyati boʻlsa, imtiyoz maqsadli yoki maqsadli emasligini tekshirib koʻrishingizni tavsiya etamiz. Agar imtiyoz maqsadli boʻlsa, хom ashyo qoldigʻi boʻyicha QQS summasini SKda belgilangan tartibda hisobga olasiz, aks holda hisobga olmaysiz.