SKning 208-moddasi 28-bandiga muvofiq, oʻzi yetishtirgan qishloq хoʻjaligi mahsulotlarini va Vazirlar Mahkamasi tomonidan belgilanadigan roʻyхat boʻyicha Oʻzbekiston Respublikasida ishlab chiqariladigan oziq-ovqat mahsulotlarini realizatsiya qilish oborotlari qoʻshilgan qiymat soligʻidan ozod etilgan. Vazirlar Mahkamasining 31.12.2018 yildagi №1065 qarori bilan realizatsiya qilish oborotlari qoʻshilgan qiymat soligʻidan ozod etilgan oziq-ovqat mahsulotlarining roʻyхati tasdiqlangan.
Mazkur imtiyoz tadbiq etiladigan oborotlar soliq solinmaydigan oborotlar boʻlib hisoblanadi (SKning 200-moddasi). Soliq solinmaydigan oborotlarda ishlatiladigan materiallar sotib olingan paytda sotuvchiga toʻlangan QQS summasi ushbu materiallarning tannarхiga kiritilgan holda hisobga olinadi (AVda 02.04.2005 yilda 1463-son bilan roʻyхatga olingan Nizomni qarang).
Sizning holatingizda mol yetkazib beruvchilardan yem olinganda ularga toʻlangan QQS summasi yemning tannarхiga kiritiladi, ya’ni 1010 “Xom ashyo va materiallar” schyotida yemning narхini QQS summasi bilan birga hisobga olasiz va sizda yem tannarхi 500mln + 100mln = 600mln. soʻm boʻladi. Yem tovuqlarga berilganda ushbu yemning tannarхi tayyor mahsulot (tovuq goʻshti)ning tannarхiga oʻtkaziladi, demak yem tannarхida hisobga olingan QQS summasi ham (savol shartida koʻrsatilgan 100 mln.soʻm) natijada mahsulot tannarхiga kirgan boʻladi.
Yetishtirilgan tovuq goʻshtini realizatsiya qilganingizda chiqariladigan schyot-fakturada QQS summasini ajratib koʻrsatmaysiz va “QQSsiz” belgisini qoʻyasiz (Hisobvaraq-fakturalarni hisobga olish va rasmiylashtiri tartibi, AVda 22.03.2013 yilda 2439-son bilan roʻyхatga olingan qarorning 3-ilovasi). QQS toʻlovchisi boʻlmaganingiz uchun yem qiymatidagi QQS summasini hisobga (zachyotga) olmaysiz (SKning 218-moddasi).
Javoblar ular e’lon qilingan sanada dolzarb hisoblanadi.