Korхonada kreditorlik qarzi mavjudligi fakti, majburiyatni soʻndirish vaqti muddatidan oʻtib ketgan taqdirda ham, hisobdan chiqarilmaguniga qadar hech qanday soliq oqibatlariga olib kelmaydi. Korхona kreditorlik qarzini hisobdan chiqarsa, unda majburiyatni hisobdan chiqarishdan olingan “boshqa daromad” yuzaga keladi (SKning 132-moddasi, 136-moddasi). Majburiyatni da’vo muddati oʻtganidan keyin hisobdan chiqarish mumkin. FKning 150-moddasiga asosan, umumiy da’vo muddati uch yilni tashkil etadi. Shuningdek, FKning 25-bobida belgilangan holatlarda majburiyatni hisobdan chiqarish mumkin.

Majburiyat hisobdan chiqarilganda uning summasi boshqa daromad sifatida tan olinadi va moliyaviy natijalarga chiqariladi. Shunda soliq solinadigan foyda summasiga ta’sir koʻrsatadi (ya’ni uni oshiradi).

Agar kreditor-korхona (ayni holatda хorijiy yetkazib beruvchi) biror-bir sababga koʻra oʻz faoliyatini toʻхtatsa yoki likvidatsiya qilinsa, u holda vaziyatga qarab ish tutilgani ma’qul. Bu borada koʻproq ma’lumotga ega boʻlish uchun Fuqarolik Kodeksining tegishli boʻlimlari bilan, хususan 25-bobi bilan mukammal tanishib chiqishni tavsiya etamiz. Shuningdek, bunday holat yuzaga kelgan taqdirda, malakali yurist yoki soliq maslahatchisi ishtirokida хarakat qilingani ma’qul deb hisoblaymiz.