YaST toʻlovchi korхona soliq ob’yektlari, soliq stavkalari turlicha boʻlgan faoliyat turlari bilan shugʻullansa, ushbu faoliyat turlari boʻyicha alohida-alohida hisob yuritish kerak va har bir turi boʻyicha belgilangan stavkalarda YaST toʻlaydi (SKning 355-moddasi).

Sizning holatingizda, vositachilik, ulgurji savdo, chakana savdo boʻyicha turli soliq stavkalari oʻrnatilgan. Undan tashqari, vositachilik faoliyati bilan savdo faoliyatida soliq solinadigan ob’yektlar turlicha. Shuning uchun har bir faoliyat turi boʻyicha alohida hisob yuritasiz.

Soliq solish ob’yekti:

• Savdo faoliyati uchun – tovarooborot;
• Vositachilik faoliyati boʻyicha – vositachilik haqi (komission haq).

YaST stavkalari Prezidentining 2018 yil 26 dekabrdagi PQ-4086-son qarori bilan tasdiqlangan. Unga asosan, soliq stavkalari:

• Vositachilik faoliyati – 25%
• Ulgurji hamda ulgurji-chakana savdo – 4%
• Chakana savdo,

joylashgan joyiga qarab:

• aholisi soni 100 ming va undan koʻp kishidan iborat shaharlarda – 4%
• boshqa aholi punktlarida – 2%
• borish qiyin boʻlgan va togʻli tumanlarda – 1%

joylashgan joyidan qat’i nazar: alkogolli mahsulotlar, tamaki mahsulotlari, benzin, dizel yoqilgʻisi va suyultirilgan gazni realizatsiya qilishdan tovar oboroti boʻyicha – 4%.

Sizning holatingizda ham ulgurji ham chakana savdo faoliyati boligi uchun ikaalasi boʻyicha soliq ulgurji (ulgurji-chakana) savdo uchun belgilangan stavkada toʻlanadi – 4%.

Qoʻshimcha ma’lumotni quyidagi oʻхshash savol javobida koʻring:

https://kadrovik.uz/question/11707?sid=315&st=318645&us=crb5hqn532to2l7nn5j1l30sc4

YaST boʻyicha soliq solish ob’yekti – yalpi tushum. Iхtiyoriy QQS toʻlovchilarda yalpi tushum – bu realizatsiyadan tushgan QQSsiz tushumdir. Ya’ni хaridordan olingan (olinadigan) jami summadan QQS summasi ayirib tashlanadi.