ЯСТ тўловчи корхона солиқ объектлари, солиқ ставкалари турлича бўлган фаолият турлари билан шуғулланса, ушбу фаолият турлари бўйича алоҳида-алоҳида ҳисоб юритиш керак ва ҳар бир тури бўйича белгиланган ставкаларда ЯСТ тўлайди (СКнинг 355-моддаси).

Сизнинг ҳолатингизда, воситачилик, улгуржи савдо, чакана савдо бўйича турли солиқ ставкалари ўрнатилган. Ундан ташқари, воситачилик фаолияти билан савдо фаолиятида солиқ солинадиган объектлар турлича. Шунинг учун ҳар бир фаолият тури бўйича алоҳида ҳисоб юритасиз.

Солиқ солиш объекти:

• Савдо фаолияти учун – товарооборот;
• Воситачилик фаолияти бўйича – воситачилик ҳақи (комиссион ҳақ).

ЯСТ ставкалари Президентининг 2018 йил 26 декабрдаги ПҚ-4086-сон қарори билан тасдиқланган. Унга асосан, солиқ ставкалари:

• Воситачилик фаолияти – 25%
• Улгуржи ҳамда улгуржи-чакана савдо – 4%
• Чакана савдо,

жойлашган жойига қараб:

• аҳолиси сони 100 минг ва ундан кўп кишидан иборат шаҳарларда – 4%
• бошқа аҳоли пунктларида – 2%
• бориш қийин бўлган ва тоғли туманларда – 1%

жойлашган жойидан қатъи назар: алкоголли маҳсулотлар, тамаки маҳсулотлари, бензин, дизель ёқилғиси ва суюлтирилган газни реализация қилишдан товар обороти бўйича – 4%.

Сизнинг ҳолатингизда ҳам улгуржи ҳам чакана савдо фаолияти болиги учун икааласи бўйича солиқ улгуржи (улгуржи-чакана) савдо учун белгиланган ставкада тўланади – 4%.

Қўшимча маълумотни қуйидаги ўхшаш савол жавобида кўринг:

https://kadrovik.uz/question/11707?sid=315&st=318645&us=crb5hqn532to2l7nn5j1l30sc4

ЯСТ бўйича солиқ солиш объекти – ялпи тушум. Ихтиёрий ҚҚС тўловчиларда ялпи тушум – бу реализациядан тушган ҚҚСсиз тушумдир. Яъни харидордан олинган (олинадиган) жами суммадан ҚҚС суммаси айириб ташланади.