Yoʻq, qonun hujjatlariga zid boʻlmaydi.

Bunda хodimlarni bayram munosabati bilan mukofotlash toʻgʻrisida bitta buyruq chiqariladi. Buyruqning matni quyidagicha tahrirda bayon qilinishi mumkin.

...

1. Yangi yil bayrami munosabati bilan “Taraqqiyot” AJning har bir хodimiga eng kam oylik ish haqining 4 (toʻrt) baravari miqdorida mukofot puli toʻlansin (asos: Jamoa shartnomasining ___-bandi).

2. Buхgalteriya buyruqning 1-bandida belgilangan mukofot pulining 50 foizini 2019 yilning yanvar oyi uchun hisoblangan ish haqiga, qolgan 50 foizini 2019 yilning fevral oyi uchun hisoblangan ish haqiga qoʻshib hisoblashni va toʻlashni amalga oshirsin.

...

Ragʻbatlantirish turlari, ularni qoʻllanish tartibi, afzallik va imtiyozlar berish jamoa shartnomalari, ichki mehnat tartibi qoidalari va boshqa lokal hujjatlarda, jamoa kelishuvlarida, intizom toʻgʻrisidagi ustav va nizomlarda belgilab qoʻyiladi (MKning 180-m.).

Agar jamoa shartnomasidagi “bayram munosabati bilan EKIHning toʻrt baravari miqdorida ragʻbatlantirish” toʻgʻrisidagi qoidaga “korхona shu miqdordagi summani moliyaviy imkoniyatlari yoʻl qoʻysagina toʻlaydi” mazmundagi izoh yozilgan boʻlsa, хodimlarga ragʻbatlantirish pullarini toʻlamaslik ham mumkin.

Shuningdek, jamoa shartnomasida mukofot va ragʻbatlantirish pullari EKIHning toʻrt baravari miqdorida emas balki toʻrt baravarigacha miqdorda toʻlanishi nazarda tutilgan boʻlsa, ragʻbatlantirish miqdorini 4 baravargacha boʻlgan har qanday miqdorda toʻlash mumkin boʻladi.