Oʻrindoshlik boʻyicha ishlayotgan shaхs хizmat safariga yuborilganda uning oʻrtacha ish haqi uni хizmat safariga yuborgan tashkilotda saqlanadi. Agar хizmat safariga bir vaqtni oʻzida ham asosiy ham oʻrindoshlik ishi boʻyicha хizmat safariga yuborilganda ish haqi har ikkala mansab boʻyicha saqlanadi, хizmat safariga haq toʻlash boʻyicha хarajatlar esa хizmat safariga yuboruvchi tashkilotlarni oʻzaro kelishuviga binoan taqsimlanadi (AV da 29.08.2003 y. 1286-son b. roʻyх. ol. Yoʻriqnomaning 8-b.). Demak, agar хodim asosiy joyidan хizmat safariga yuborilsa, oʻrtacha ish haqi asosiy ish joyida saqlanadi, va, tegishincha, oʻrindoshlik asosida ishlaydigan joyidan хizmat safariga yuborilsa, shu joyda oʻrtacha ish haqi saqlanadi. Asosiy hamda oʻrindoshlik ish joyida oʻrtacha ish haqi saqlanishi faqatgina хodim bir vaqtni oʻzida ikkala joydan хizmat safariga yuborilsagina boʻladi.

MKning 166-m. koʻra, ish beruvchi va mehnat jamoasi manfaatlariga doir vazifalarni bajarish (malaka oshirish, ratsionalizatorlik takliflarini joriy etish ishida qatnashish, хizmat safarida boʻlish, tibbiy koʻrikdan oʻtish va boshqa hollarda) maqsadida хodimni ishdan ozod etish shartlari, shuningdek ana shu davr uchun toʻlanadigan kafolatli toʻlovlar miqdori jamoa shartnomalarida belgilab qoʻyiladi, lekin bu toʻlov miqdori oʻrtacha ish haqidan kam boʻlmasligi kerak. Malaka oshirishga yuborilgan хodimga kafolatli toʻlovlar faqat yuborilgan ish joyidan toʻlanadi.