Tadbirkorlik sub’yektlari buyurtmalari asosida tashkil qilingan jamoat ishlarida ABKM yoʻllanmasi asosida jamoat ishlarida ishtirok etish uchun yuborilgan fuqarolarga ish haqi boʻyicha toʻlovlarning 50 foizi Bandlik va mehnat munosabatlari vazirligi huzuridagi Jamgʻarma hisobidan qoplanadi (VMning 05.10.2017 yildagi 799-son qaroriga 3-ilova).

Prezidentning 12.09.2017 yildagi PQ-3268 sonli Qarorida jamoat ishlariga jalb etilayotgan jismoniy shaхslar Jamoat ishlari jamgʻarmasi mablagʻlaridan olingan daromadlar boʻyicha jismoniy shaхslarning daromad soligʻidan (JShDS) ozod qilingan. Undan tashqari, jismoniy shaхslarga mazkur Jamgʻarma hisobidan toʻlangan daromadlar yagona ijtimoiy toʻlovdan (YaIT) ozod qilingan.

Sizning holatingizda, jamoat ishlariga jalb qilingan jismoniy shaхslarga Jamoat ishlari jamgʻarmasi mablagʻlari hisobidan toʻlangan summalar JShDS va YaITdan ozod qilinadi, MChJ hisobidan toʻlangan summalar esa JShDS va YaITga tortiladi.