Саволнинг ID си: 13404
Президентнинг 2017 йил 12-сентябрдаги ПҚ-3268 сон Қарорига асосан “Мираки санаторияси” МЧЖ да жамоат ишларига кенг жалб қилинган ишчи ходимларга 50% миқдорида ҳақ тўланади. Қолган 50% Бандликка кўмаклашиш маркази томонидан тўлаб берилади.
Жамоат ишларига жалб қилинган ишчиларнинг ойлик маоши қайси соликлардан имтиёзга эга, МЧЖ томонидан тўлаб берилаётган 50% иш ҳақидан ҳам солиқ имтиёзига эгами?
Экспертларнинг жавоблари:

Тадбиркорлик субъектлари буюртмалари асосида ташкил қилинган жамоат ишларида АБКМ йўлланмаси асосида жамоат ишларида иштирок этиш учун юборилган фуқароларга иш ҳақи бўйича тўловларнинг 50 фоизи Бандлик ва меҳнат муносабатлари вазирлиги ҳузуридаги Жамғарма ҳисобидан қопланади (ВМнинг 05.10.2017 йилдаги 799-сон қарорига 3-илова).

Президентнинг 12.09.2017 йилдаги ПҚ-3268 сонли Қарорида жамоат ишларига жалб этилаётган жисмоний шахслар Жамоат ишлари жамғармаси маблағларидан олинган даромадлар бўйича жисмоний шахсларнинг даромад солиғидан (ЖШДС) озод қилинган. Ундан ташқари, жисмоний шахсларга мазкур Жамғарма ҳисобидан тўланган даромадлар ягона ижтимоий тўловдан (ЯИТ) озод қилинган.

Сизнинг ҳолатингизда, жамоат ишларига жалб қилинган жисмоний шахсларга Жамоат ишлари жамғармаси маблағлари ҳисобидан тўланган суммалар ЖШДС ва ЯИТдан озод қилинади, МЧЖ ҳисобидан тўланган суммалар эса ЖШДС ва ЯИТга тортилади.

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Экспертларнинг тушунтиришлари уларнинг шахсий фикрини акс эттиради ва Сиз уларга таяниб мустақил қарор қабул қилишингиз мумкин.




Сайт «NORMA» МЧЖ томонидан ишлаб чиқилган.

Контентни яратишда “Кадрлар бўйича маслаҳатчи” ЭМТ, «Buxgalter PRO» ЭМТ, buxgalter.uz сайти материалларидан фойдаланилган.

Сайт материалларини ресурс маъмурияти розилигисиз кўчириб олиш тақиқланади.

© «NORMA» МЧЖ, 2021–2024 й. Барча ҳуқуқлар ҳимояланган.

 
 
Яндекс.Метрика
Бориш харитаси Бориш харитаси

Манзил: Ўзбекистон, 100105,
Тошкент ш., Миробод тум., Толлимаржон кўч., 1/1.

E-mail: admin@kadrovik.uz

Call-марказ телефони: (+998)78 150-11-72