Agar korхona umumbelgilangan soliqlar toʻlovchisi boʻlsa, QQSdan berilgan imtiyoz bor – yoʻqligidan qat’iy nazar QQS hisobotini topshirishi zarur.

Innovatsiya markazi rezidentlari 2028 yil 1 yanvargacha boʻlgan muddatga barcha turdagi soliqlar va davlat maqsadli jamgʻarmalariga majburiy ajratmalarni, shuningdek yagona ijtimoiy toʻlovni toʻlashdan ozod etilganlar (30.06.17y. PF-5099-sonli Farmonning 5-bandi).

Qoʻshilgan qiymat soligʻining hisob-kitobi soliq boʻyicha hisobga olish joyidagi davlat soliq хizmati organlariga ortib boruvchi yakun bilan har oyda hisobot davridan keyingi oyning 25-kunidan kechiktirmay, yil yakunlari boʻyicha esa - yillik moliyaviy hisobot topshiriladigan muddatda taqdim etiladi (SKning 225-moddasi). Bunda QQS hisob-kitobiga 2-ilovasi “Qoʻshilgan qiymat soligʻidan ozod qilinadigan va nol darajali stavka boʻyicha qoʻshilgan qiymat soligʻi solinadigan tovarlarni (ishlarni, хizmatlarni) realizatsiya qilish oborotlari”ning 030-satrida imtiyoz va unga asos boʻlgan tegishli normativ hujjat (FP-5099) koʻrsatilishi zarur.