Ha, kasanachilar har yilgi mehnat ta’tiliga chiqish va korхonada belgilangan tartibga asosan beriladigan toʻlovlarni (shu jumladan moddiy yordam) olish huquqiga egalar.

Kasanachilar qonun hujjatlarida belgilangan ijtimoiy va mehnat kafolatlari ta’minlanangan boʻlishi lozim. Kasanachilik shartida ishlaydigan хodimlar ish beruvchi bilan bilan tuzilgan mehnat shartnomasi asosida ishlaydilar (Kasanachilik toʻgʻrisidagi Nizomda, 11.01.2006 y. VMK-4, 1-ilova).

Mehnat shartnomasida ta’til berish shartlari ham koʻrsatib oʻtiladi. Ta’tillar berish vaqti va navbati kasanachi bilan kelishuv boʻyicha ish beruvchi tomonidan tasdiqlangan jadvalda belgilanadi. Kasanachining har yilgi mehnat ta’tili muddati, agar kasanachi qonun hujjatlariga muvofiq koʻproq davom etadigan har yilgi asosiy ta’tilga chiqish huquqiga ega boʻlmasa, 15 ish kunidan kam boʻlishi mumkin emas.

Bundan tashkari, korхonada jamoa shartnomasi tuzilgan boʻlsa, ushbu jamoa shartnomasi shartlari ham kasanachilarga tatbiq etiladi.