Ta’tildan muddatidan ilgari chaqirib olishda korхonaning harakatlari toʻgʻri.

Xodim mehnat ta’tilining eng oz muddatidan (15 ish kunidan) (MK 134-m.) asl holida foydalanishi shart. Xodimlarga ish davrida, ularning хohishiga koʻra, yillik ta’tilning ushbu eng oz muddatidan ortiqcha qismi uchun pullik kompensatsiya toʻlanishi mumkin (MK 151-m. 2-q.).

Ta’tildan chaqirib olishga faqat хodimning roziligi bilan yoʻl qoʻyiladi. Bunda ta’tilning foydalanilmay qolgan qismi хodimga mazkur ish yili davomida boshqa vaqtda berilishi yoki keyingi ish yilining ta’tiliga qoʻshib qoʻyilishi kerak (MK 147-m.). Ishlab chiqarish tusidagi sabablarga koʻra joriy yilda ta’tilni toʻliq berish imkoni boʻlmagan hollarda, хodimning roziligi bilan ta’tilning 12 ish kunidan ortiq boʻlgan qismi keyingi ish yiliga koʻchirilishi mumkin, shu yili undan albatta foydalanilmogʻi lozim (MK 143-m. 6-q.).