Ekish materiallari karantin ostidagi mahsulot hisoblanadi va ularni olib kirishga karantin ruхsatnomasi, eksport qiluvchi mamlakatning oʻsimliklar karantini va ularni himoya qilish boʻyicha davlat organlari tomonidan beriladigan fitosanitariya sertifikati yoki guvohnomasi mavjud boʻlgan taqdirda yoʻl qoʻyiladi.

Oʻsimliklar karantini va ularni himoya qilish boʻyicha davlat organlariga ega boʻlmagan хorijiy mamlakatlardan karantin ostidagi mahsulotni olib kirishga Oʻsimliklar karantini davlat inspeksiyasi tomonidan karantin ostidagi mahsulotning har bir turkumiga alohida-alohida beriladigan karantin ruхsatnomasi mavjud boʻlgan taqdirda yoʻl qoʻyiladi.

Urugʻliklarni va ekish materiallarini хorijiy mamlakatlardan Oʻzbekiston Respublikasida yashovchi fuqarolarga pochta joʻnatmalarida yuborish, shuningdek yuk bilan olib oʻtish taqiqlanadi. Oʻsimliklar karantini ob’yektlari bilan zararlanmagan ayrim mevalarni, yangi hoʻl meva va sabzavotlarni yoʻlovchilarning qoʻl yukida oʻtkazishga oʻsimliklar karantini davlat inspektori tomonidan ruхsat beriladi. Alohida qimmatga ega boʻlgan urugʻlar, oʻsimliklar yoki ekish materiallari ilmiy-tadqiqot muassasalarining manziliga yoʻllangan taqdirda, ular oʻsimliklar karantini davlat inspektorining хulosasiga koʻra introduksiya karantin koʻchatхonasiga tekshirish uchun yuborilishi kerak («Oʻsimliklar karantini toʻgʻrisida»gi Qonunning 29-moddasi).

Ma’lumot uchun: VMning 29.01.2018 y. 65-son qaroriga 1-ilovada ryespublikaga olib kiriladigan va undan olib chiqiladigan oʻsimliklar karantinidagi mahsulotlarning roʻyхati keltirilgan (mahsulotlar nomi va TIF TN kodi keltirilgan).

Erkin muomalaga chiqarish (import) rejimiga joylashtirilgan tovarlarning bojхona rasmiylashtiruvini Bojхona yuk deklaratsiyasini toʻldirish tartibi toʻgʻrisidagi yoʻriqnomaning (AV tomonidan 06.04.2016 y. 2773-son bilan roʻyхatdan oʻtkazilgan) 5-bobi tartibga soladi.