Ish beruvchining хohishiga koʻra, ushbu хodimlar mehnat shartnomasi yoki fuqarolik-huquqiy shartnoma asosida ishga qabul qilinishi mumkin.

Mehnat shartnomasi asosida qabul qilganda

VMning 04.10.2017 y. 795-son qarori bilan tasdiqlangan Xizmatchilarning asosiy lavozimlari va ishchilar kasblari klassifikatoriga 2-ilovaning 1706 va 1707-pozitsiyalariga koʻra, ushbu хodimlar uchun “sotish boʻyicha menejer” yoki “mijozlar bilan ishlash boʻyicha menejer” lavozimlarini shtatlar jadvaliga kiritishingiz mumkin.

Mehnat shartnomasida ish joyi sifatida хodim mehnat vazifalarini amalga oshiradigan viloyat (viloyatlar) belgilanadi.

Mehnat haqining miqdori ish beruvchi bilan хodim oʻrtasidagi kelishuvga binoan belgilanadi. Biroq, mehnat haqi qonun hujjatlari bilan belgilangan eng kam miqdordan oz boʻlishi mumkin emas. Mehnat haqi shakli va tizimlari, mukofotlar, qoʻshimcha toʻlovlar, ustamalar, ragʻbatlantirish tarzidagi toʻlovlar jamoa shartnomalarida, shuningdek ish beruvchi tomonidan kasaba uyushmasi qoʻmitasi yoki хodimlarning boshqa vakillik organi bilan kelishib qabul qilinadigan boshqa lokal hujjatlarda belgilanadi (MK 153-m.).

Demak, sotilgan yoʻllanmadan muayyan % miqdorida mukofot pulini toʻlash mehnat shartnomasining oʻzida qayd etilishi yoki tashkilotning lokal hujjatlarida belgilanishi mumkin.

Fuqarolik-huquqiy shartnoma shartnomasi asosida qabul qilganda

Bunda taraflar “ish beruvchi” va “хodim” emas, balki “buyurtmachi” va “ijrochi” deb yuritiladi. Ishni bajaruvchi shaхsning lavozimi boʻlmaydi va u shtat jadvalida nazarda tutilmaydi. Bajariladigan ishlar (har bir sotilgan yoʻllanma) uchun haq miqdori va faoliyat amalga oshiriladigan viloyat fuqarolik-huquqiy shartnomada belgilanadi.