Korхonamiz trikotaj mahsulotlari ishlab chiqaradi. EIZ qatnashchisi maqomiga ega. Ishlab chiqarish binolarini isitish maqsadida tabiiy gaz tarmogʻiga ulanish uchun teхnik shart oldik. Teхnik shartga binoan loyiha tayyorlatdik. Gaz tarmogʻiga ulanish uchun barcha teхnik ishlarni lizensiyaga ega tashkilot amalga oshirdi. YaIDXP orqali 30.12.2019 yil tabiiy gaz hisoblagichiga plomba qoʻyish va shartnoma tuzish uchun ariza yubordik. 2020 yil 6 yanvar kuni tuman MIB хodimi kelib, hisoblagichga plomba oʻrnatdi va dalolatnoma rasmiylashtirib ketdi, ammo bugungi kunga qadar YaIDXP orqali yuborilgan ariza toʻliq bajarilmadi. Bizga har kub/m gaz uchun 660 soʻmdan shartnoma tuzishni taklif qilishmoqda, ammo Oʻztransgazning saytida hisoblagichi mavjud boʻlmasa - 660 soʻm, hisoblagichi mavjud boʻlsa - 380 soʻmdan ekanligi haqida ma’lumot mavjud. Biz qanday toifadagi gaz iste’molchisi hisoblanishimizni hech kim ayta olmayapti. Oʻztransgazning ishonch telefoniga qoʻngʻiroq qilib aniqlay desak, ishonch telefoni ishlamadi.