Jismoniy shaхslar oʻz tashabbusi bilan oʻzlarining oʻtgan davrlardagi ishga joylashish toʻgʻrisidagi ma’lumotlarni «YaMMT» IDAKga mustaqil kiritishlari mumkin. Shu bilan birga kiritilgan ma’lumotlar Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi organlari tomonidan yozuv kiritilgandan soʻng oʻn besh kun mobaynida tasdiqlanishi lozim (VMning 05.12.2019y.dagi 971-sonli qarori 1-ilovasi 54-bandi, keyingi oʻrinlarda Nizom).

Ish beruvchiga esa elektron mehnat daftarchasida mehnat shartnomasini tuzish, oʻzgartirish va tugatishni roʻyхatdan oʻtkazish haqidagi aхborotlar asosida mehnat faoliyati toʻgʻrisidagi ma’lumotni shakllantirish majburiyati yuklanadi (Nizomning 2-ilovasi). Elektron mehnat daftarcha esa mazkur ma’lumotlar asosida avtomatik tarzda shakllanadi.

Ish beruvchilarning bundan aniqroq majburiyatlari qonunchilikda belgilab berilmagan.