Xodimning asosiy ish joyi boʻyicha egallab turgan lavozimi, uning oʻrindoshlik asosida rasmiylashtirilayotgan lavozimiga bogʻliq boʻlmaydi.

Xodimni “B” firmaga rahbar lavozimiga rasmiylashirish munosabati bilan mehnat shartnomasi shartlariga oʻzgartirishlar  faqatgina ishlab chiqarish zarurati sababli talab etilishi mumkin (agar rahbarlik vazifalarini toʻliq ish kuni rejimida yoki toʻliq yuklamaga ega boʻlgan holda bajarish lozim boʻlsa).

Xoh bosh hisobchi lavozimida, хoh rahbar lavozimida ishlash boʻlsin, har ikkala holda ham oʻrindoshning korхonada mazkur toifadagi хodimlar uchun belgilangan ish vaqti tartibini hisobga olish zarur. Asosiy ish joyi boʻyicha mehnat vazifalarini bajarishdan boʻsh boʻlgan kunlarda, хodim oʻrindoshlik asosida toʻliq ish kuni davomida ishlashi mumkin.

Oʻrindoshlik asosida ishlashning umumiy davomiyligi esa ish vaqti normasining yarmidan ortiq boʻlishi mumkin emas (VMning 18.10.2012y.dagi 297-sonli qaroriga Ilovaning 7-bandi).