Yakka tartibdagi tadbirkor tomonidan yollangan хodimning mehnat stajini hisoblash
Savolning ID si: 16959
Yakka tartibdagi tadbirkor kiyim-kechak sotadi. Xodimni ishga yolladi va unga patent ochib berdi.
Yakka tartibdagi tadbirkor tomonidan yollangan хodimga patent ochilganda, mehnat daftarchasiga yozuv kiritilishi lozimmi?
Ekspertlarning javoblari:
Xususiy tadbirkor tomonidan хodimga mehnat daftarchasi yuritilmaydi (Nizomning 12-bandi, VMning 31.07.2015 yildagi 219-son qaroriga 1-ilova).
Yakka tartibdagi tadbirkorda yollash boʻyicha ishlagan ish davrlari quyidagi toʻlovlar toʻlangan taqdirda, хodimning mehnat stajiga qoʻshiladi:
-2019 yil 1 yanvarga qadar boʻlgan davr uchun - Moliya vazirligi huzuridagi byudjetdan tashqari Pensiya jamgʻarmasiga sugʻurta badallari;
- 2019 yil 1 yanvardan keyingi davr uchun - ushbu davrlarda uning uchun yagona ijtimoiy toʻlov (Nizomning 13-bandi).
Xodimning mehnat staji tegishincha, ushbu toʻlovlar toʻlangani haqidagi ma’lumotlar asosida hisoblanadi (Nizomning 14-bandi).
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 