Qonunchilik shtatdagi хodim bilan bir vaqtning oʻzida mehnat majburiyatlariga bogʻliq boʻlmagan boshqa ishlarni bajarish uchun fuqarolik-huquqiy tusdagi shartnoma tuzilishini taqiqlamaydi.

Kelajakda shtat jadvalining oʻzgarishi, yangi  lavozimlar kiritilishi va tashkillashtirish ishlarini olib borish zarurligi munosabati bilan, mazkur ishlarga jalb qilingan хodimlarning roziligi va qoʻshimcha ish hajmiga qoʻshimcha haq toʻlash bilan ularga qoʻshimcha majburiyatlar yuklash masalasini koʻrib chiqishingizni tavsiya etamiz (MKning 160-moddasi). Bunda faqatgina ish beruvchining qoʻshimcha haq toʻlash toʻgʻrisidagi buyrugʻini uning asoslarini koʻrsatgan holda chiqarish lozim.

Yangi shtat jadvali tasdiqlanganda va amalga kiritilganda, mazkur majburiyatlarni vaqtinchalik bajarayotgan хodimlar zimmasidagi majburiyatlarni olish va ularni yangi shtat хodimlari zimmasiga oʻtkazish lozim.