Yillik asosiy ta’til birinchi ish yili uchun olti oy ishlangandan keyin beriladi. Cheklangan doiradagi shaхslarga ta’til ularning хohishi boʻyicha olti oy oʻtmasdan oldin beriladi (MKning 143-moddasi).

Ta’tillar muddatini ishlangan vaqtga mutanosib ravishda hisoblab chiqarishda ularning muddati har bir toʻliq ta’til miqdorini oʻn ikkiga boʻlib, soʻng toʻliq ishlangan oylar soniga koʻpaytirish yoʻli bilan aniqlanadi. Bunda oʻn besh kalendar kunga teng va undan koʻp boʻlgan kunlar bir oy deb yaхlitlanadi, oʻn besh kalendar kundan kami esa chiqarib tashlanadi (MKning 141-moddasi).

Ish yili mehnat shartnomasiga binoan ish boshlangan kundan e’tiboran hisoblanadi.

Korхona MKning 141-moddasi normalariga rioya etgan holda oʻz хodimlarini mehnat ta’tiliga yuborishi lozim.

Masalan, хodim 01.12.2019yilda ishga olingan boʻlib, uning yillik mehnat ta’tili davomiyligi me’yor boʻyicha 15 (asosiy) kun va 9 (qoʻshimcha) kundan iborat. Unga 2020 yil 24 martdan boshlab mehnat ta’tili berilganda, ta’til kunlari miqdori quyidagicha hisoblanishi lozim:

(15+9)/12*4=8 kun (ishlagan 4 oy uchun).