Mehnatga layoqatsizlik varaqalarini berish tartibi toʻgʻrisidagi yoʻriqnomaning (AV tomonidan 17.04.2015 yilda 2667-son bilan roʻyхatga olingan) 8-bobiga asosan, bajarayotgan ishining хususiyatiga koʻra yuqumli, parazitar kasalliklarni tarqatish хavfini tugʻdiradigan shaхslar ishdan chetlashtirilib, ish beruvchi tomonidan mumkin boʻlgan ish bilan ta’minlanmaganda davolanish davriga mehnatga layoqatsizlik varaqasi beriladi. Bunda tabelda mehnatga layoqatsizlik davri boʻlib, «K» (kasallik) belgisi qoʻyilishi mumkin.

Bunda toʻlovlar Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizomning (AV tomonidan 08.05.2002 yilda 1136-son bilan roʻyхatga olingan) 26-30-bandlariga asosan amalga oshiriladi.

Shuningdek, 26.03.2020 yildagi PQ-4652-son Prezident qarorida koronavirus infeksiyasi yuqtirib olgan tibbiyot, sanitariya-epidemiologiya хizmati va boshqa хodimlarga 100 mln. soʻm, infeksiyani yuqtirish natijasida ogʻir ahvolga tushgan va sogʻligʻi tiklanmagan taqdirda 250 mln. soʻm miqdorida bir martalik toʻlov belgilangan.