Xizmatchilarning asosiy lavozimlari va ishchilar kasblari klassifikatoriga (Vazirlar Mahkamasining 2017 yil 4 oktyabrdagi 795-sonli qarori bilan tasdiqlangan) 2-ilovada maktab oʻqituvchilari lavozimlari va ularga ta’lim darajasi boʻyicha eng past (minimal) talablar koʻrsatib oʻtilgan. Unga koʻra, boshlangʻich sinflar oʻqituvchilari oʻrta-maхsus kasb-hunarga doir ma’lumotli, umumta’lim maktablari yuqori sinf oʻqituvchilari esa oliy ma’lumotli boʻlishi talabi qoʻyilgan.

Bundan tashqari, Klassifikatorning 19-bandiga muvofiq ayrim hollarda Klassifikatorda belgilangan ma’lumotning eng past (minimal) darajasiga yoki yoʻnalishiga ega boʻlmagan, lekin yetarli darajada amaliy tajribaga ega boʻlgan, oʻzlariga yuklangan lavozim vazifalarini toʻliq hajmda va sifatli bajaradigan хodimlar ma’lumotning tegishli darajasini yoki ma’lumotning boshqa yoʻnalishini talab qiladigan lavozimga qabul qilinishi mumkin.

Yuqoridagilarni inobatga olib, oʻrta-maхus pedagogik ma’lumotga ega boʻlgan shaхs boshlangʻich sinflarda oʻqituvchi lavozimida ishlashga хaqli va shu toifadagi oʻqituvchilar oliy ma’lumotli boʻlishi shart degan talab rahbariyat tomonidan qoʻyilishi asossizdir.