Talaba qiz oliy oʻquv yurtida oʻqish uchun kontrakt summasini toʻlaganida YaTT boʻlmish otasi tomonidan JShDS boʻyicha imtiyoz qoʻllanilishi
2019 yilda yakka tartibdagi tadbirkorlik faoliyatidan olingan daromad JShDSga tortilmagan. YaTTlar YaST yoki qat’iy belgilangan soliq toʻlaganlar (2007 yil tahriridagi SK 169, 350, 370-moddalari).
Fuqarolar JShDS solinadigan ish haqi va boshqa daromadlarining OʻzR oliy oʻquv yurtlarida oʻzining yoki 26 yoshga toʻlmagan farzandining ta’lim olishi uchun yoʻnaltiriladigan summalariga JShDS solinmaydi (2007 yil tahriridagi SK 179-moddasi 31-bandi, AVda 2010 yil 27 mayda 2107-son bilan roʻyхatga olingan Nizom).
2019 yilda YaTTlar tadbirkorlik faoliyatlaridan olingan daromadga nisbatan ushbu imtiyozni qoʻllashlari mumkin boʻlmagan. Lekin YaTTning jismoniy shaхs sifatida olgan va JShDSga tortiladigan daromadlari boʻlishi mumkin. Masalan, dividendlar yoki boshka mulkiy daromadlar, olingan sovgʻalar, moddiy yordam pullari va boshqalar. Ushbu daromadlarga nisbatan 2007 yil tahriridagi SK 179-moddasi 31-bandida belgilangan imtiyozni deklaratsiya asosida qoʻllash mumkin. Koronavirus pandemiyasi munosabati bilan jismoniy shaхslar 2019 yil uchun deklaratsiyani 2020 yil 1 avgustiga qadar taqdim etishlari mumkin (Prezidentning 2020 yil 19 martdagi №PF-5969 sonli Farmoni 5-bandi «g»-kichik bandi).
Javoblar ular e’lon qilingan sanada dolzarb hisoblanadi.
Telegram kanali 