2019 йилда якка тартибдаги тадбиркорлик фаолиятидан олинган даромад ЖШДСга тортилмаган. ЯТТлар ЯСТ ёки қатъий белгиланган солиқ тўлаганлар (2007 йил таҳриридаги СК 169, 350, 370-моддалари).

Фуқаролар ЖШДС солинадиган иш ҳақи ва бошқа даромадларининг ЎзР олий ўқув юртларида ўзининг ёки 26 ёшга тўлмаган фарзандининг таълим олиши учун йўналтириладиган суммаларига ЖШДС солинмайди (2007 йил таҳриридаги СК 179-моддаси 31-банди, АВда 2010 йил 27 майда 2107-сон билан рўйхатга олинган Низом).

2019 йилда ЯТТлар тадбиркорлик фаолиятларидан олинган даромадга нисбатан ушбу имтиёзни қўллашлари мумкин бўлмаган. Лекин ЯТТнинг жисмоний шахс сифатида олган ва ЖШДСга тортиладиган даромадлари бўлиши мумкин. Масалан, дивидендлар ёки бошка мулкий даромадлар, олинган совғалар, моддий ёрдам пуллари ва бошқалар. Ушбу даромадларга нисбатан 2007 йил таҳриридаги СК 179-моддаси 31-бандида белгиланган имтиёзни декларация асосида қўллаш мумкин. Коронавирус пандемияси муносабати билан жисмоний шахслар 2019 йил учун декларацияни 2020 йил 1 августига қадар тақдим этишлари мумкин (Президентнинг 2020 йил 19 мартдаги №ПФ-5969 сонли Фармони 5-банди «г»-кичик банди).