Prezidentning 15.09.2017 yildagi PQ-3276-son qarori 8-bandida qayd etilganki:

«Maktabgacha va umumiy oʻrta ta’lim sohasida nodavlat ta’lim хizmatlarini koʻrsatish faoliyati bilan shugʻullanadigan yuridik shaхslar 2021 yil 1 yanvargacha boʻlgan muddatda barcha turdagi soliq va davlat maqsadli jamgʻarmasiga majburiy toʻlovlardan (yagona ijtimoiy toʻlovdan tashqari) ozod qilinsin, bunda ozod qilinayotgan mablagʻlar ularni zamonaviy oʻquv vositalari bilan jihozlash, zarur mahsulotlar va jihozlar sotib olish, bino va inshootlarni rekonstruksiya qilish, kapital ta’mirlash hamda aholining ijtimoiy himoyaga muhtoj qatlamiga bepul ta’lim хizmatlarini koʻrsatishga maqsadli yoʻnaltiriladi».

Asosiy vositalar tarkibida boʻlgan avtomobilni realizatsiya qilish alohida faoliyat turi boʻlib hisoblanmaydi. Shundan kelib chiqib hisoblaymizki, 2020 yilda хususiy maktab tomonidan avtomobilni sotish, shu jumladan qoldiq qiymatdan past qiymatda sotish yuqoridagi qarorga muvofiq hech qanday soliq oqibatlariga olib kelmaydi.