Хусусий мактабнинг асосий воситаси ҳисобланган автомобилни реализация қилишнинг солиқ оқибатлари
Президентнинг 15.09.2017 йилдаги ПҚ-3276-сон қарори 8-бандида қайд этилганки:
«Мактабгача ва умумий ўрта таълим соҳасида нодавлат таълим хизматларини кўрсатиш фаолияти билан шуғулланадиган юридик шахслар 2021 йил 1 январгача бўлган муддатда барча турдаги солиқ ва давлат мақсадли жамғармасига мажбурий тўловлардан (ягона ижтимоий тўловдан ташқари) озод қилинсин, бунда озод қилинаётган маблағлар уларни замонавий ўқув воситалари билан жиҳозлаш, зарур маҳсулотлар ва жиҳозлар сотиб олиш, бино ва иншоотларни реконструкция қилиш, капитал таъмирлаш ҳамда аҳолининг ижтимоий ҳимояга муҳтож қатламига бепул таълим хизматларини кўрсатишга мақсадли йўналтирилади».
Асосий воситалар таркибида бўлган автомобилни реализация қилиш алоҳида фаолият тури бўлиб ҳисобланмайди. Шундан келиб чиқиб ҳисоблаймизки, 2020 йилда хусусий мактаб томонидан автомобилни сотиш, шу жумладан қолдиқ қийматдан паст қийматда сотиш юқоридаги қарорга мувофиқ ҳеч қандай солиқ оқибатларига олиб келмайди.
Жавоблар улар эълон қилинган санада долзарб ҳисобланади.