Vazirlar Mahkamasining 2017 yil 4 oktyabrdagi 795-sonli qarori bilan tasdiqangan Xizmatchilarning asosiy lavozimlari va ishchilar kasblari Klassifikatorining 1-boʻlimida (1-ilovasida) “Ishchilarning asosiy kasblari tasnifi” keltirilgan. Ilovada ishchilar kasblarining malakaviy razryadlari diapazonlari koʻrsatib oʻtilgan.

Ishchilar kasblari malaka razryadlarining diapazoni ishchilarning kasblari boʻyicha ularning murakkabligiga koʻra (mehnat sharoitlarini hisobga olmasdan) ishchilar kasblari boʻyicha ishlarning eng kam va eng yuqori razryadlarini «1» dan «8» gacha oraliqda belgilaydi, bunda: «1» razryad – хodimda  past malakani talab qiladigan eng oddiy ishlarni, «8» razryad esa – ishchidan eng yuqori kasbiy malakani va tajribani talab qiladigan alohida murakkab va noyob ish turlarini ifodalaydi. Aksariyat hollarda ishchining eng yuqori malaka razryadi 6-razryaddan oshmaydi.

Har bir ishchi kasbi boʻyicha aniq razryad yagona tarif-malaka yoʻriqnomalarida hamda tarmoq tarif-malaka yoʻriqnomalarida koʻrsatib oʻtilishi mumkin.

VMning 2019 yil 6 sentyabrdagi 743-sonli qarorining 2-ilovasida koʻrsatilgan ishchi kasblari razryadlari VMning 2017 yil 4 oktyabrdagi 795-sonli qarorining ilovasidan kelib chiqib belgilanadi.