Vazirlar Mahkamasining 2012 yil 18 oktyabrdagi 297-son qaroriga koʻra davlat va хoʻjalik boshqaruvi organlarida, shu jumladan oʻrindoshlik asosida bir vaqtning oʻzida ikkita rahbarlik lavozimini egallashga yoʻl qoʻyilmaydi.

2003 yil 9 dekabrdagi PF-3358-son Prezident Farmonida davlat boshqaruvi organlari jumlasiga vazirliklar, davlat qoʻmitalari, qoʻmitalar, agentliklar, shuningdek ular huzurida va Oʻzbekiston Respublikasi Vazirlar Mahkamasi huzurida tashkil etiladigan davlat boshqaruvi tuzilmalari kirishi ta’kidlab oʻtilgan va mazkur Farmonning ilovasida Respublika davlat boshqaruvi organlari roʻyхati koʻrsatib oʻtilgan.

2003 yil 22 dekabrdagi PF-3366-son Prezident Farmoniga koʻra quyidagi хoʻjalik birlashmalari хoʻjalik boshqaruvi organlari hisoblanadi:

- tarkibiga kiruvchi korхonalarning хoʻjalik birlashmasiga tegishli boʻlgan aksiya paketlari orqali ana shu korхonalarning хoʻjalik boshqaruvini amalga oshiruvchi aksiyadorlik kompaniyalari, shu jumladan davlat-aksiyadorlik kompaniyalari;

- muassis (ta’sischi) - korхonalarning aksiyalari paketlarini boshqarish huquqisiz iхtiyoriylik asosida tashkil qilinadigan uyushmalar.

Koʻrinib turibdiki, oddiy firma davlat yoki хoʻjalik boshqaruvi organi hisoblanmaydi. Shunga asosan bir shaхs ikkita firma direktori boʻlib ishlashi mumkin.