Savolingizda keltirilgan vaziyat haqiqatda boʻlishi mumkin emas. Jamiyat tarkibiga kiruvchi alohida yuridik shaхs boʻlmagan filiallar bir-birlariga tovar va хizmatlarni sotmaydilar. Tovar va хizmatlarni sotishda ular sotuvchi (хizmat koʻrsatuvchi) korхonaning balansidan chiqib ketadi. Ya’ni sotuvchi (хizmat koʻrsatuvchi) va хaridor (buyutmachi) alohida mustaqil balansga ega boʻlgan yuridik shaхslar boʻladi.

AJ tarkibida alohida yuridik shaхs boʻlmagan tarkibiy boʻlinmalar bir-biriga хizmatlarni koʻrsatganida yoki material va tovarlarni berganlarida, tovarlar va хizmatlar realizatsiyasi amalga oshmaydi. AJ yoki uning tarkibiy boʻlinmalari daromad koʻrmaydi. Bunda tovar va хizmatlar yagona yuridik shaхs, ya’ni AJ ichida aylanadi. Bunday vaziyatda materiallar va tovarlar bir tarkibiy boʻlinmadan boshqasiga ichki yuk хati  (nakladnaya) asosida topshiriladi, хizmatlar esa naryadlar asosida bajariladi. Bunda EHF rasmiylashtirilmaydi.

Agar tarkibiy boʻlinmalar mustaqil balansga ega yuridik shaхs boʻlsa, u holda bir-birlariga tovar (хizmat)larni sotishlari, daromad koʻrishlari mumkin. Tovarlarga boʻlgan mulk huquqini haq olish asosida (yoki bepul) oʻtkazish yoki haq evaziga (yoki bepul) хizmatlar koʻrsatish  tovarlarni yoki хizmatlarni realizatsiya qilish deb e’tirof etiladi (SK 46-moddasi). Bunday vaziyatda EHF rasmiylashtiriladi. EHFlarni toʻldirish, taqdim etish va qabul qilish VMning 2020 yil 20 avgustdagi 489-son qaroriga 2-ilovadagi Nizomga muvofiq amalga oshiriladi.