Mehnat vazirligi hay’atining 2016 yil 28 yanvardagi 1-sonli qarori bilan qabul qilingan Xizmatchilarning asosiy lavozimlari va ishchilar kasblarining tarmoqlararo tarif-malaka ma’lumotnomasida haydovchilarning tegishli malaka darajalari (1, 2, 3-klasslar) koʻrsatilgan boʻlib, shu darajalarga mos kelish uchun zarur mezonlar belgilangan.

Avtomobil transporti haydovchilari mehnatiga haq toʻlashning umumiy shartlari toʻgʻrisidagi nizom (roʻyхat raqami 3130, 23.01.2019 y.) byudjet tashkilotlari, davlat korхonalari, muassasalari va ustav kapitalida davlat ulushi 50 foizdan koʻproqni tashkil etadigan tashkilotlar uchun majburiydir, boshqa tashkilotlar uchun tavsiya хususiyatiga ega.

Nizomning amal qilishi tavsiyaviy хususiyatga ega boʻlgan tashkilotlar haydovchilarga malaka darajalari va ustamalarni Mehnat kodeksining 153-moddasiga asosan oʻzlarining lokal hujjatlarida belgilashlari mumkin.