Меҳнат вазирлиги ҳайъатининг 2016 йил 28 январдаги 1-сонли қарори билан қабул қилинган Хизматчиларнинг асосий лавозимлари ва ишчилар касбларининг тармоқлараро тариф-малака маълумотномасида ҳайдовчиларнинг тегишли малака даражалари (1, 2, 3-класслар) кўрсатилган бўлиб, шу даражаларга мос келиш учун зарур мезонлар белгиланган.
Автомобиль транспорти ҳайдовчилари меҳнатига ҳақ тўлашнинг умумий шартлари тўғрисидаги низом (рўйхат рақами 3130, 23.01.2019 й.) бюджет ташкилотлари, давлат корхоналари, муассасалари ва устав капиталида давлат улуши 50 фоиздан кўпроқни ташкил этадиган ташкилотлар учун мажбурийдир, бошқа ташкилотлар учун тавсия хусусиятига эга.
Низомнинг амал қилиши тавсиявий хусусиятга эга бўлган ташкилотлар ҳайдовчиларга малака даражалари ва устамаларни Меҳнат кодексининг 153-моддасига асосан ўзларининг локал ҳужжатларида белгилашлари мумкин.
Жавоблар улар эълон қилинган санада долзарб ҳисобланади.