MKning 180-moddasiga asosan ishdagi yutuqlar uchun хodimga nisbatan ragʻbatlantirish choralari qoʻllanilishi mumkin. Intizomiy jazo amal qilib turgan muddat mobaynida хodimga nisbatan ragʻbatlantirish choralari qoʻllanilmaydi. Ish haqi, mukofotlar, qoʻshimcha toʻlovlar, ustamalar va mehnat haqi tizimida nazarda tutilgan boshqa toʻlovlar ragʻbatlantirish turlariga kirmaydi. Masalan, oy, chorak yoki yil natijalari boʻyicha mukofotlar toʻlanishi korхonaning ichki lokal hujjatlarida belgilangan boʻlib, u mehnat haqi tizimiga kirgan boʻlsa, ushbu mukofot intizomiy jazo amal qilib turgan paytda ham toʻlanishi kerak. Lekin, misol uchun, bayram kunlarida beriladigan mukofotlar mehnat haqi tizimiga kirmaydi, balki alohida toʻlanadigan ragʻbatlantirish toʻlovlariga kiradi va intizomiy jazo amal qilib turgan muddat mobaynida uni toʻlash mumkin emas.

MKning 183-moddasiga koʻra intizomiy jazoning amal qilish muddati jazo qoʻllanilgan kundan boshlab bir yildan oshib ketishi mumkin emas. Intizomiy jazoni qoʻllagan ish beruvchi oʻz tashabbusi bilan, хodimning iltimosiga binoan, mehnat jamoasi yoki хodimning bevosita rahbari iltimosnomasiga koʻra jazoni bir yil oʻtmasdan oldin ham olib tashlashga haqli.

Ushbu savol boʻyicha batafsil bu yerda oʻqishingiz mumkin: 5056.