МКнинг 180-моддасига асосан ишдаги ютуқлар учун ходимга нисбатан рағбатлантириш чоралари қўлланилиши мумкин. Интизомий жазо амал қилиб турган муддат мобайнида ходимга нисбатан рағбатлантириш чоралари қўлланилмайди. Иш ҳақи, мукофотлар, қўшимча тўловлар, устамалар ва меҳнат ҳақи тизимида назарда тутилган бошқа тўловлар рағбатлантириш турларига кирмайди. Масалан, ой, чорак ёки йил натижалари бўйича мукофотлар тўланиши корхонанинг ички локал ҳужжатларида белгиланган бўлиб, у меҳнат ҳақи тизимига кирган бўлса, ушбу мукофот интизомий жазо амал қилиб турган пайтда ҳам тўланиши керак. Лекин, мисол учун, байрам кунларида бериладиган мукофотлар меҳнат ҳақи тизимига кирмайди, балки алоҳида тўланадиган рағбатлантириш тўловларига киради ва интизомий жазо амал қилиб турган муддат мобайнида уни тўлаш мумкин эмас.
МКнинг 183-моддасига кўра интизомий жазонинг амал қилиш муддати жазо қўлланилган кундан бошлаб бир йилдан ошиб кетиши мумкин эмас. Интизомий жазони қўллаган иш берувчи ўз ташаббуси билан, ходимнинг илтимосига биноан, меҳнат жамоаси ёки ходимнинг бевосита раҳбари илтимосномасига кўра жазони бир йил ўтмасдан олдин ҳам олиб ташлашга ҳақли.
Ушбу савол бўйича батафсил бу ерда ўқишингиз мумкин: 5056.
Жавоблар улар эълон қилинган санада долзарб ҳисобланади.