1.Ha, ayollarga oʻrindoshlik asosidagi ish joyidan homiladorlik va tugʻish nafaqasi toʻlanadi.

Oʻrindoshlik asosida ishlayotgan ayollarga asosiy ish joyidagi ta’til bilan bir vaqtda homiladorlik va tugʻish nafaqasi beriladi (MK 143-moddasi).

Oʻrindoshlar oʻrindoshlik asosidagi ish joyi boʻyicha vaqtincha mehnatga layoqatsizlik nafaqasi olish, ayollar esa, bundan tashqari, homiladorlik va tugʻish nafaqalari olish huquqiga egadir (VMning 2012 yil 18 oktyabrdagi 297-son qaroriga ilovadagi Nizomning 18-bandi).

Homiladorlik va tugʻish nafaqalarini qonun hujjatlarida belgilangan miqdorlarda toʻlash boʻyicha majburiyatdan boʻyin tovlash BHMning 10 baravaridan 15 baravarigacha miqdorda jarima solishga sabab boʻladi. Xuddi shunday huquqbuzarlik ma’muriy jazo chorasi qoʻllanilganidan keyin bir yil davomida takroran sodir etilgan boʻlsa, BHMning 15 baravaridan 30 baravarigacha miqdorda jarima solishga sabab boʻladi (Ma’muriy javobgarlik toʻgʻrisidagi kodeksning 49-3-moddasi).

2.Ushbu nafaqani olish uchun homilador ayol oʻrindoshlik asosidagi ish joyiga sogʻliqni saqlash muassasasi tomonidan berilgan mehnatga layoqatsizlik varaqasining belgilangan tartibda tasdiqlangan nusхasini taqdim etishi lozim (Nizomning 19-bandi).