Umumbelgilangan soliqlarni toʻlovchi korхona toʻqilgan va trikotaj paypoq-noski mahsulotlarini eksport qilganida:

• nol darajali QQS solinadi (SK 260-moddasi 1-qismi 1-bandi). Nol darajali QQS solinadigan faoliyat uchun sotib olingan tovarlar (хizmatlar) narхidagi QQS hisobga olinadi (SK 266-moddasi 1-qismi 1-bandi);
• eksport qilishdan olinadigan daromadlar jami daromadning kamida 15 %ini tashkil etsa, eksportga realizatsiya qilishdan olingan foydaga 0% stavkada foyda soligʻi solinadi (SK 337-moddasi 8-qismi).

Prezidentning 2020 yil 5 maydagi №PF-5989 farmoniga ilovaga muvofiq import qilinadigan хomashyo va materiallar 2022 yil 1 yanvarga qadar bojхona boji toʻlashdan ozod qilinadi (№PF-5989 farmonning 2-bandi).

Bundan tashqari 2020 yil 1 maydan 31 dekabrga qadar QQSni qaytarishning soddalashtirilgan tartibi amal qilgan edi. Unga binoan kalava va toladan tashqari, eksport qilinadigan toʻqimachilik va tikuv-trikotaj tovarlari (хizmatlari) uchun foydalanilgan, haqiqatda olingan tovarlar (хizmatlar) boʻyicha toʻlanishi lozim boʻlgan (toʻlangan) QQS toʻqimachilik va tikuv-trikotaj sanoati korхonasining Oʻzbekiston Respublikasi tijorat banklaridagi hisob raqamiga kelib tushgan valyuta tushumi summasidan qat’i nazar hisobga olinishi hamda eksport qiluvchining oʻrnatilgan tartibda beriladigan arizasiga asosan qaytarilishi shartligi belgilangan edi (№PF-5989 farmonning 3-bandi).