Тўқилган ва трикотаж пайпоқ-носки маҳсулотларини ишлаб чиқариб, экспорт қилишда имтиёзлар
Умумбелгиланган солиқларни тўловчи корхона тўқилган ва трикотаж пайпоқ-носки маҳсулотларини экспорт қилганида:
- ноль даражали ҚҚС солинади (СК 260-моддаси 1-қисми 1-банди). Ноль даражали ҚҚС солинадиган фаолият учун сотиб олинган товарлар (хизматлар) нархидаги ҚҚС ҳисобга олинади (СК 266-моддаси 1-қисми 1-банди);
- экспорт қилишдан олинадиган даромадлар жами даромаднинг камида 15 %ини ташкил этса, экспортга реализация қилишдан олинган фойдага 0% ставкада фойда солиғи солинади (СК 337-моддаси 8-қисми).
Президентнинг 2020 йил 5 майдаги №ПФ-5989 фармонига иловага мувофиқ импорт қилинадиган хомашё ва материаллар 2022 йил 1 январга қадар божхона божи тўлашдан озод қилинади (№ПФ-5989 фармоннинг 2-банди).
Бундан ташқари 2020 йил 1 майдан 31 декабрга қадар ҚҚСни қайтаришнинг соддалаштирилган тартиби амал қилган эди. Унга биноан калава ва толадан ташқари, экспорт қилинадиган тўқимачилик ва тикув-трикотаж товарлари (хизматлари) учун фойдаланилган, ҳақиқатда олинган товарлар (хизматлар) бўйича тўланиши лозим бўлган (тўланган) ҚҚС тўқимачилик ва тикув-трикотаж саноати корхонасининг Ўзбекистон Республикаси тижорат банкларидаги ҳисоб рақамига келиб тушган валюта тушуми суммасидан қатъи назар ҳисобга олиниши ҳамда экспорт қилувчининг ўрнатилган тартибда бериладиган аризасига асосан қайтарилиши шартлиги белгиланган эди (№ПФ-5989 фармоннинг 3-банди).
Жавоблар улар эълон қилинган санада долзарб ҳисобланади.