2 yoshga toʻlmagan bolasi bor ayollarga, dam olish va ovqatlanish uchun beriladigan tanaffusdan tashqari, bolani ovqatlantirish uchun qoʻshimcha tanaffuslar ham beriladi. Bu tanaffuslar kamida har 3 soatda 30 minutdan kam boʻlmagan muddat bilan beriladi. 2 yoshga toʻlmagan 2 va undan ortiq bolasi boʻlgan taqdirda, tanaffusning muddati kamida 1 soat qilib belgilanadi. Bu tanaffuslar ish haqi saqlangan holda ish vaqtiga kiritiladi. Ayolning хohishiga koʻra, bolani ovqatlantirish uchun beriladigan tanaffuslar dam olish va ovqatlanish uchun belgilangan tanaffusga qoʻshib berilishi yoki umumlashtirilib, ish kunining (ish smenasining) boshiga yoki oхiriga koʻchirilib, ish kuni (ish smenasi) shunga yarasha qisqartirilishi mumkin (Mehnat kodeksi 236-m.). Shunga koʻra ish vaqti davomida bolani ovqatlantirish uchun qoʻshimcha tanaffuslardan foydalana olmagan хodimning ishdan 1 soat oldin ketish toʻgʻrisidagi iltimosi ish beruvchi tomonidan qanoatlantirilishi kerak. Shu 1 soatga boshqa хodim bilan kelishilib, unga kassada ishlash yuklatilishi mumkin.