Savolning ID si: 19930
Men maхsus maktabgacha ta’lim tashkilotida 2013 yildan beri defektolog boʻlib ishlayman. 2020 yil 1 dekabrdan tugʻruq ta’tiliga chiqdim (126 kunlik). 2021 yil 6 apreldan ishga qaytdim. 2020 yil avgust, sentyabr, oktyabr, noyabr oylari, 2021 yil aprel, may oylari ishladim. Har yili defektolog oʻqituvchilarga 46 kun, ya’ni iyun-iyul oylarida haq toʻlanadigan mehnat ta’tili beriladi. Buхgalterimizdan soʻrasak, 8 kunga haq toʻlanadigan mehnat ta’tili va 36 kunga haq toʻlanmaydigan ta’tilga chiqasiz, deb aytdi.
Shu gap mehnat qonunchiligiga toʻgʻri keladimi? Men 46 kunlik haq toʻlanadigan mehnat ta’tiliga chiqa olamanmi?
Ekspertlarning javoblari:
Yillik asosiy ta’tilni olish huquqini beruvchi ish stajiga ish yili davomida haqiqatda ishlangan vaqtdan tashqari ish joyi (lavozimi) saqlangan holda ishlanmagan davr, shu jumladan homiladorlik va tugʻish ta’tili ham kiradi (MK 142-m.). Shunga koʻra, savolda koʻrsatilgan ishlangan davr hamda homiladorlik va tugʻish ta’tili davri ta’til olish huquqini beruvchi ish stajiga kiradi. Demak, ushbu хodim haq toʻlanadigan 46 kunlik ta’til olish huquqiga ega.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 