Саволнинг ID си: 19930
Мен махсус мактабгача таълим ташкилотида 2013 йилдан бери дефектолог бўлиб ишлайман. 2020 йил 1 декабрдан туғруқ таътилига чиқдим (126 кунлик). 2021 йил 6 апрелдан ишга қайтдим. 2020 йил август, сентябрь, октябрь, ноябрь ойлари, 2021 йил апрель, май ойлари ишладим. Ҳар йили дефектолог ўқитувчиларга 46 кун, яъни июнь-июль ойларида ҳақ тўланадиган меҳнат таътили берилади. Бухгалтеримиздан сўрасак, 8 кунга ҳақ тўланадиган меҳнат таътили ва 36 кунга ҳақ тўланмайдиган таътилга чиқасиз, деб айтди.
Шу гап меҳнат қонунчилигига тўғри келадими? Мен 46 кунлик ҳақ тўланадиган меҳнат таътилига чиқа оламанми?
Экспертларнинг жавоблари:
Йиллик асосий таътилни олиш ҳуқуқини берувчи иш стажига иш йили давомида ҳақиқатда ишланган вақтдан ташқари иш жойи (лавозими) сақланган ҳолда ишланмаган давр, шу жумладан ҳомиладорлик ва туғиш таътили ҳам киради (МК 142-м.). Шунга кўра, саволда кўрсатилган ишланган давр ҳамда ҳомиладорлик ва туғиш таътили даври таътил олиш ҳуқуқини берувчи иш стажига киради. Демак, ушбу ходим ҳақ тўланадиган 46 кунлик таътил олиш ҳуқуқига эга.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 