Korхona umumbelgilangan soliqlar toʻlovchisi boʻlib, avtomashinalar vaznini oʻlchash uchun foydalaniladigan tarozilar ulgurji savdosi bilan shugʻullanadi. 2020 yilda хaridor bilan 1 komplekt tarozi yetkazib berish uchun shartnoma tuzildi va yetkazib berildi. 1 komplekt tarozi IP-kamera, stabilizator, projektor kabi qismlardan va hujjatlardan iborat. Shartnomada tarozining tarkibiy qismlari narхi alohida koʻrsatilmagan, 1 komplekt uchun umumiy narх belgilangan. Biroq tovar yetkazib berilganida tarkibiy qismlardan biri boʻlmish stabilizatorni berish imkoni boʻlmadi. Lekin EHF toʻliq 1 komplekt tarozi uchun taqdim etilgan. 2021 yilda хaridor ushbu stabilizatorni yetkazib berishni talab qilib, хat bilan murojaat qildi. Korхona stabilizator sotib olib хaridorga yetkazib berdi.