Товарни таркибий қисмларда етказиб беришни ҳужжатлаштириш, ҳисобга олиш ва солиқ оқибатлари
1.Сизнинг вазиятингизда 2020 йилда харидорга тарози сотишда ҳужжатлар нотўғри расмийлаштирилган. Корхона тарозини тўлиқ комплектда етказиб беролмас экан, унинг таркибий қисмларини алоҳида нархлари билан кўрсатган ҳолда ҳақиқатда сотилган таркибий қисмлари учун ЭҲФ расмийлаштириши керак эди. Натижада етказиб берилмаган стабилизаторнинг нархи бухгалтерияда харидордан олинган бўнак сифатида акс этарди.
Ушбу вазиятни тузатиш учун ўша шартномага қўшимча шартнома тузиш керак. Бунда тарози таркибий қисмларини алоҳида нархлари билан кўрсатиш ҳамда етказиб бериш муддатларини аниқлаштириш керак. Сўнгра аввал тақдим этилган ЭҲФга тузатувчи ЭҲФ тақдим этиш керак, бунда 2020 йилда харидорга етказиб берилмаган стабилизатор ва унинг нархи чиқариб ташланиши керак.
Шунда 2021 йилда стабилизаторни сотиб олиш ва харидорга етказиш товарни сотиб олиш ва сотиш деб қаралади. Бухгалтерия ўтказмалари:
Хўжалик муомалаларининг мазмуни | Дебет | Кредит |
Стабилизаторнинг сотиб олиниши | 2910 «Омбордаги товарлар» 4410 «Бюджетга солиқлар ва бошқа мажбурий тўловлар бўйича бўнак тўловлари (турлари бўйича)» | 6010 «Мол етказиб берувчилар ва пудратчиларга тўланадиган счётлар» |
Стабилизаторни харидорга етказиб бериш | 4010 «Харидорлар ва буюртмачилардан олинадиган счётлар» | 9020 «Товарларни сотишдан даромадлар» 6410 «Бюджетга тўловлар бўйича қарз (турлари бўйича)» |
Харидордан олинган бўнак ҳисобга олинди | 6310 «Харидорлар ва буюртмачилардан олинган бўнаклар» | 4010 «Харидорлар ва буюртмачилардан олинадиган счётлар» |
2.Ҳа, сотиб олинган стабилизаторни харидорга етказиб бериш ҚҚС солинадиган айланма деб эътироф этилади (СК 239-моддаси 1-қисми 1-банди).
3.Стабилизатор сотилган. Унинг таннархи корхона учун чегириладиган харажат ҳисобланади (СК 305-моддаси 4-қисми 1-банди).
Жавоблар улар эълон қилинган санада долзарб ҳисобланади.
Телеграм канали 