Soliqning ortiqcha toʻlangan  summalarini hisobga olish  SKning 56-moddasi hamda  Soliqlar boʻyicha ortiqcha toʻlovlar va boqimonda mavjud boʻlganda  soliqlar boʻyicha oʻzaro hisobga olish tartibida (1997 yil 5 dekabrdagi MV 40-son, OʻzR Markaziy banki 15-01/120-son va OʻzR DSQ 97-104-son, keyingi oʻrinlarda - Tartib) belgilangan.

Belgilangan tartibga koʻra  ortiqcha toʻlangan soliqlar summasini mavjud boqimondani uzish hisobiga hisobga olish soliq toʻlovchining davlat soliq хizmati organlariga bergan yozma arizasi asosida amalga oshiriladi (Tartibning 2-bandi).

Soliq va toʻlovlarni byudjetga hisobga olish uchun ariza oʻz ichiga quyidagi ma’lumotlarni olishi kerak:  ariza beruvchining nomi, uning manzili, boqimondani soʻndirish amalga oshirilayotgan soliq va toʻlovlarning nomi, summalar koʻrsatilgan holda qaysi soliq va toʻlovlar hisobiga amalga oshirilayotganligi (Tartibning 3-bandi).